“Sunny Hill Festival” edhe këtë vit do të mbledhë emrat më të njohur të muzikës shqiptare dhe botërore për të dhuruar performanca elektrizuese në datat 2,3,4 gusht. Organizatorja e këtij eventi, Dua Lipa, më herët ka treguar se pjesë e festivalit do të jetë Calvin Harris dhe Gashi. Së fundmi ajo i ka befasuar të gjithë me surprizën e madhe që ka zbuluar. Dua ka treguar se në datën 2 gusht në skenën e “Sunny Hill Festival” do të ngjitet Miley Cyrus. Ajo ka publikuar në ‘Instagram’ një video të këngëtares së njohur amerikane, e cila thotë: “Do të shkojmë në Kosovë me mbretëreshën e Kosovës, me Duan”.
https://www.instagram.com/p/BzXu7HXBDkm/
Menjëherë pas postimit reagimet në komente ishin të shumta nga ana e fansave shqiptarë, të cilët tashmë po e presin me padurim mbërritjen e Miley-t në Kosovë. Cyrus është një ndër artistet më të komentuara në mbarë botën falë gjithë energjisë që përcjell në skenë. Ajo numëron një sërë hitesh në repertorin e saj muzikor si “Malibu”, “Wrecking Ball”, “Younger Now”, “Nothing breaks like a heart” e shumë të tjera. /revistawho.com
