Ditën e sotme Ermal Mamaqi bëri një lajmërim nëpërmjet ‘Instagram-it’ ku zbuloi se ai do largohej për disa kohë nga moderimi për t’ju përqëndruar industrisë së kinematografisë dhe marketingut. Pas këtij postimi, Luana Vjollca ka publikuar një video në ‘Instastory’ ku shfaqet në një lokal së bashku me Ermalin. Dy moderatorët e kanë treguar se kanë një marrëdhënie shumë të mirë, kjo pasi janë miq prej kohësh, megjithatë duket se këtë herë takimi i tyre ka qenë një takim biznesi. “Çfarë po ndodh?”, ka shkruar Luana krahas videos, duke ngritur dyshime se mes tyre mund të vijë një bashkëpunim. Nga ana tjetër, Ermali publikoi një foto dhe shkruajti: “Duke thurur plane, ndoshta kundër Marinës”. Me siguri ky përshkrim ka qenë një humor midis atij, Luanës dhe Marinës, por duke qenë se kjo e fundit do rikthehet së shpejti në ekran me një emision të ri, mund të bëhet fjalë për ndonjë emision ‘konkurues’. Gjithçka sigurisht mbetet një aludim, deri në momentin që një nga moderatorët vendos të zbulojë ndonjë detaj të ri./revistawho.com
https://www.instagram.com/p/B2FCXdiBgRu/?igshid=i6bxmnnirop
