Para 2 ditësh Luana Vjollca publikoi një foto që ngriti shumë dyshime tek fansat e saj. Moderatorja postoi në “Instagram” një imazh të saj, në të cilën shihej duke pozuar me një pallto të kuqe mbrapa së cilës shkruhej “Ghetto Santa”. Foton e saj e shoqëroi me mbishkrimin: “Çfarë dhurate doni t’ju sjell për Vit të Ri? Së shpejti”.
https://www.instagram.com/p/B6JPpg5HpOW/?utm_source=ig_embed
Duke qenë se në veshjen e saj shkruhej Ghetto, fansat dyshuan se Luana do të sillte ndonjë bashkëpunim me kunatin e saj, reperin Ghetto Geasy, por siç duket nuk bëhet fjalë për diçka të tillë. Ditën e sotme moderatorja ka publikuar në “Instagram” disa video nga xhirimi i një projekti të ri, në të cilat ajo shihet e veshur me pallton e kuqe përkrah disa personave të tjerë.
Në njërën prej videove ajo ka pyetur fansat se çfarë mendojnë ata se po xhiron një film apo një reklamë. Shumica më e madhe e tyre janë përgjigjur reklamë, pasi nga videot duket se nuk është përfshirë një staf aq i madh sa kërkon xhirimi i një filmi.
Megjithatë kjo gjë ende nuk dihet me siguri, ndaj ndoshta më vonë Luana mund ta zbulojë vetë se për çfarë bëhet fjalë ekzaktësisht. /revistawho.com
